Category Archives: Mulok BSM

PIDATO ADAT MINANGKABAU

Oleh Hasanuddin Hasanuddin

PAANTA
Mangacu kapado referensi umum, pidato adolah pangungkapan pikiran dalam bantuak kato-kato nan ditujukan kapado urang banyak, atau wacana nan disiapkan untuak diucapkan di hadapan khalayak (KBBI).

Ciri utamo pidato adolah basipaik monologis atau ciek arah, dari tukang pidato ka urang banyak atau khalayak. Pidato ado babarapo jenis, badasa mukasuik jo isinyo, yoitu informatif, persuasif, inspiratif, entertain, atau lainnyo. Salah satu jenis pidato adolah orasi. Tukang pidato nan santiang, bisa mampangaruhi urang lain disabuik orator.

Pidato adat—khusunyo di Minangkabau—basipaik dialogis, duo arah atau bajawek kato. Ampia salalu ado duo pihak nan talibat dalam pidato adat, yoitu pangka (tuan rumah) jo alek (tamu).

Palaku utamo atau “tukang pidato” dalam pidato adat adolah janang. Janang adokalonyo manjalankan babarapo fungsi, bisa sabagai mc (master of ceremony), fasilitator, moderator, bahkan langsung pambicaro utamo.

Sikap tubuah tukang pidato adokalonyo duduak (baselo atau basimpuah) dan adokalonyo pado bagian tatantu, juo disaratoi jo posisi tagak. Bagian pidato nan disampaikan dalam posisi duak biasonyo kutiko bapasambahan, manyampaikan panghormatan sarato parmintaan suko jo rila (izin) untuak mamulai acara atau bapidato. Bagian pidato nan disampaikan dalam posiai tagak misanyo kutiko manyampaikan kutip tambo alam (asa-usua) jo tambo adat (hukum), atau maurai filosofi (misa siriah-pinang) atau lainnyo.

BANTUAK ATAU STRUKTUR PIDATO ADAT
Pangertian bantuak adolah gambaran fisik sasuatu. Gambaran fisik bisa diuraikan jo manyabuikkan struktur. Apo struktur tun? Struktur adolah kasaluruhan nan tadiri ateh bagian-bagian nan saliang tahubuang jo manantukan nan mambantuak kasaluruhan itu.

Ibaraik sabuah rumah gadang, strukturnyo adolah kasaluruhan rumah gadang tun, nan tadiri dari tonggak, kudi-kudo, atok, dindiang, lantai, jo bagian lainnyo. Satu bagian jo bagian lain saliang tahubuang-takaik nan manyatukannyo jadi sabuah rumah gadang.

Baitu pulo pidato adat, strukturnyo adolah kasaluruhan pidato nan tadiri ateh bagian-bagian nan saliang bakaitan mambantuak kasaluruhan pidato. Itu disabuik struktur intrinsik atau struktur dalam. Sabagai sabuah kasatuan, pidato adat mamiliki bagian-bagian, tapi kalua pidato adat hanyolah satu bagian dalam struktur nan labiah gadang, yoitu struktur ekstrinsik, upacara adat atau struktur social adat Minangkabau. 

Di pabindangan iko, kito bahas struktur intrinsik sajo. Sacaro umum urang manyabuik struktur intrinsic pidato adat adolah batang jo bungo. Maanyo nan batang dan mano nan bungo?

Batang pidato adat ibaraik rukun dalam ibadah, sadangkan bungo adolah sunnah nan tamasuak dalam ibadah tun.  Misa, struktur sumabayang (sholat) tadiri dari rukun nan 13 (rukun sholat). Nan bungo pidato adolah sunnah sumbayang tun (misa, doa iftitah, ayat sasudah alfatihah, tasbih rukuak, doa iktidal, tasbih sujuik, doa kutiko duduak antaro duo sujuik, sarato doa-doa lainnyo). Rukun indak buliah tingga samantaro Sunnah buliah ado buliah indak.

Batang pidato adat adolah sabagai barikuik.

1. Pasambahan atau panitahan.
   Pasambahan atau panitahan adolah pambukaan pidato. Isinyo adolah pangka balabeh atau kapalo sambah barupo ucapan salam sarato kato-kato penghormatan. Penghormatan ditujukan kapado pangulu, alim ulama, cadiak pandai, sarato urang sumando dan urang nan banyak dari pihak lawan bicaro.
   
2. Parundiangan atau pakolahan.
   Parundiangan atau pakolahan adolah mampalegakan kato ka saluruah atau sabagian urang nan ado di masiang-masiang pihak. Tadi disabuik bahaso Pidato adat basipaik dialogis atau bajawek kato, mako di sampiang ado duo pihak dalam upacara nan maadokan pidato adat, juo ado bajawek kato di antaro sasamo anggota di masiang-masing pihak. Bajawek kato di masiang-masiang pihak itulah nan disabuik pakolahan.
   
3. Isi Pidato
   Isi pidato adolah panyampaian mukasuik atau tujuan diadokannyo upacara, pajamuan, atau hajatan adat. Di bagian iko biaso disabuik latar balakang diadokan upacara, dasa hukum adat nan jadi padoman, prosesi parsiapan sampai palaksanaan upacara (tamasuak mamanggia sampai kahadiran pihak alek di acara tun), lalu mamintak suko jo rila (parsetujuan, kesepakatan, ikatan, tindakan, atau bantuak lainnyo) kapado si Alek atau sado unsur nan hadir. Pado bagian iko, parmintaan si Pangka harus dijawek atau dilaksanakan dek pihak si Alek. Misanyo: manarimo pangulu baru duduak samo randah tagak samo tinggi di karapatan adat, parsatujuan manarimo pinangan, mambari izin malapeh marapulai ka rumah anak daro, pambarian doa restu untuak tagak rumah, atau makan basamo di parjamuan (jarang ado nan ditulak).
   
4. Panutuik
   Bagian panutuik barisi kato-kato ajakan untuak mamuliai parbuatan (makan-minum misanyo), parmintaan suko jo rila untuak malapeh si Alek pulang ka rumah masiang-masiang. Pihak si Pangka akan maajukan parmintaan maaf jikok ado kasalahan dalam panyambutan atau hidangan nan indak lamak. Pihal si Alek mamuji pihak si Pangka.

Bungo Pidato Adat.
Bungo pidato adat adolah kato-kato simbolik, barupo patatah, patitih, mamangan, bida atau ungkapan nan barisi kiasan, filosofi, hukum, atau lainnyo untuak manjalehkan makna unsur-unsur pado batang pidato, Bungo pidato manantukan elok jo rancaknyo pidato. Misa, dalam kato-kato panghormatan dari pihak si Pangka kapado pihak si Alek.

Batang:  
“Manolah Angku Datuak, Malin, Manti, sarato Dubalang Pihak alek, kapado Angku-angku dipuhunkan sambah”. ( …. Jawek pihak Alek: manitahlah Sutan …). Nan manjadi buah sambah dek kami iyolah ….. (langsung ke pokok masalah).

Bungo:  
“Manolah Angku Datuak, Pangulu nan gadang basa batuah, pusek jalo pumpunan ikan, pai tampek batanyo pulang bakeh babarito. Nan ibaraik kayu gadang di tangah koto, bapucuak sabana bulek baurek sabana tunggang, badaun sabana rindang. Sasaran alang tabang tinggi, tinggi nan tampak dari jauah dakek jolong basuo,
Manolah malin, Bila maulana jo tuanku, suluah bendang adat limbago, kok duduak bacamin kitab, tagaknyo rintang jo pituah, nan tahu halal jo haram nan tahu syah dengan bata, kok suluahnyo masa didunia bendangnyo sampai ke akhirat, ..”

Bungo pidato adat alah tasadio dalam bantuak formula atau susunan kato-kato baku, bisa singkek bisa panjang, nan bisa diapa kutiko baraja bapidato.

FUNGSI PIDATO ADAT
Pidato adat mamiliki fungsi nan banyak. Babarapo di antaronyo adolah fungsi legitimasi, komunikasi, pandidikan, pelestarian adat, sarato panaguah kacintoan taradok adat. Molah kito urai ciek-ciek.

1. Fungsi legitimasi, pidato adat bafungsi pangakuan atau pangasahan taradok sabuah upacara. Kalau indak ado pidato adat mako sabuah upacara, samisa kanduri nikah-kawin atau nan paliang sadarhano adolah jamuan makan. Kalau jamuan makan bajamba indak ado pidato adat mako makan itu samo jo makan basamo biaso, bukan makan baradat.
   
2. Fungsi komunikasi (formal), pidato adat adolah media patukaran informasi, gagasan, atau pasan di antaro para pihak nan talibat dalam adok-adang partamuan, yoitu pihak si Pangka jo Pihak si Alek.
   
3. Fungsi pandidikan, pidato adat manjadi media pandidikan tantang adat bagi generasi mudo Minangkabau nan hadir dalam partamuan, sabab pidato adat menyampaikan banyak informasi, filosofi, nilai, norma, sarato tatacaro adat di nagari atau antar nagari.Fungsi pelestarian adat, pidato adat adolah praktik adat sakaligus internalisasi (proses mamasuakkan nilai, norma, atau pangatahuan ka dalam diri sandiri) adat supayo makin dipacik arek dipagang taguah dek masyarakaik sainggo lestari atau tajago.
   
4. Fungsi panaguah kacintoan taradok adat, pidato adat nan elok, rancak, mamakai bahaso nan endah, di sampiang makna jo nilai-nilai nan disampaikannyo, manambah kancitoan urang Minangkabau sarato generasi mudonyo taradok Adat Minangkabau.

MAKNA PIDATO ADAT
Dalam pidato adat tasimpan banyak makna nan elok. Sabagai contoh, tiliaklah dalam batang pidato adat barikuik.
Pahanta sambah           :  Angku Datuak, Ambo manyambah
Jawab nan disambah    :  Manitahlah Sutan

Dalam duo kato nan bacetak taba: “Ambo manyambah” jo “manitahlah Sutan” tasimpan makna nan dalam. Aratinyo, pihak nan maanta sambah mamposisikan dirinyo sabagai rakyaik badarai, mahormati dengan mamposisikan pihak lawan bapasambahan bantuak “rajo” sainggo inyo “manyambah” ka bakeh rajo. Akan tatapi, pihak nan disambah pun mamposisikan diri sabagai rakyat biaso jo mahormati pihak nan maanta sambah dengan mamposisikan pihak lawan bicaro sabagai “rajo” pulo sainggo mamintak ”titah” (parentah rajo).

Dalam parundiangan jo pakolahan juo tasimpan makna nan dalam, yoitu prinsip “bajalan baiyo bakato bamulah” sabagai dasar musyawarah mupakaik dalam malakukan sasuatu untuk kapantingan basamo.

Baitu juo dalam kasaluruhan isi pidato adat, ampia indak ado nan indak bamakna elok. Kato-kato basusun sarek makna, ampia indak ado kato nan bamakna harfiah (tasurek), tapi banyak kato-kato simbolik atau kiasan barisi makna tasirek nan manuntuik Tukang sambah atau urang nan hadir untuak arif mamahami ujuang kato (mukasuik dari kato kieh) jo bijaksano mambari jawaban atau respons.

NILAI PIDATO ADAT
Nilai adolah sasuatu nan diyakini baiak atau elok nan dijadikan standar atau ukuran perilaku. Banyak nilai nan takanduang di dalam pidato adat, di antaronyo sebaga barikuik.

1. Nilai randah hati, bukan randah diri, juo indak tinggi ati.
2. Nilai hormat saliang maharagoi satu samo lain.
3. Nilai demokrasi nan manjunjuang tinggi prinsip kabasamoan jo musyawarah mufakat.Nilai kaarifan untuk manangkok makna tasirek bahkan tasuruak dalam kato-kato pidato
4. Nilai bijaksano barupo jawaban nan capek tapi tapek, sarato kaputusan nan patuik, nan sasuai tanyo jo jawek, tajago harago diri sakaligus indak mangurangi kahormatan pihak lawan bicaro.

Baitulah kaistimewaan pidato adat Minangkabau jo kadalaman makna sarato nilai-nilai nan dikanduangnyo. Analisis jo ulasan labiah lanjuik kito sambuang di materi barikuiknyo.*

Daftar Pustaka

Hasanuddin, H. (2025). “Pidato Adat Minangkabau (Tulisan partamo)”. Yayasan Sako

Agam Lounching Kurikulum Mulok Bahasa dan Sastra Minangkabau

Oleh Hasanuddin Hasanuddin

Agam (Sako). Perlahan tapi pasti, Kepala-Kepala Daerah, baik tingkat provinsi maupun kabupaten/ kota di Sumatera Barat, menunjukkan komitmen untuk memajukan kebudayaan Minangkabau melalui jenjang pendidikan sejak Fase Pondasi (PAUD) sampai Fase A-F (SD, SMP, dan SMA). Hal itu dibuktikan dengan terbitnya Peraturan Gubernur Sumatera Barat Nomor 36 Tahun 2022 tentang Tata Cara Pelaksanaan dan Pengembangan Kurikulum Muatan Lokal. Sementara itu, pada jajaran pemerintahan kabupaten/ kota, Kota Pariaman telah memulainya melalui Perwako 32 Tahun 2020 dan Kota Solok dengan Perwako 20 Tahun 2022.

Pada Kamis (21/12/2023), bertempat di Balerong Kabupaten Agam, Bupati Dr. H. Andri Warman, M.M. pun melounching Kurikulum Muatan Lokal Bahasa dan Sastra Minangkabau untuk jenjang PAUD, SD, dan SMP. Kurikulum tersebut mulai diberlakukan terbatas pada tujuh sekolah sebagai pilot projeck pada Semester II Tahun Ajaran 2023/2024 dan dilaksanakan secara menyeluruh pada Semester I Tahun Ajaran 2024/2025.

Menurut Bupati, Setiap daerah mesti punya ciri khas. Ciri khas Agam adalah negeri yang melahirkan banyak tokoh nasional terkemuka, seperti Hatta, HAMKA, Sutan Sjahrir, Asaat, Agus Salim, M. Natsir, Rohana Kudus, Rasuna Said, Siti Manggopoh, dan lainnya. Kondisi demikian terus menurun akibat berbagai faktor internal dan eksternal. Oleh sebab itu, Pemerintah Kabupaten Agam bertekat mengembalikan marwah Agam dengan mempersiapkan tokoh-tokoh berkualitas untuk bangsa dengan pendidikan karakter berbasis literasi budaya Minangkabau melalui pembelajaran Bahasa dan Sastra etnik yang khas dan kaya itu.

Pada kesempatan itu, baik Bupati maupun Kepala Dinas Pendidikan dan Kebudayaan Kabupaten Agam Drs. H. Isra, M. Pd., Dt. Bandaro beserta jajaran menyampaikan terima kasih atas pendampingan intensif Tim Ahli Budaya Minangkabau dari Fakultas Ilmu Budaya Universitas Andalas yang sekaligus adalah Sekretaris Umum Yayasan Sako Anak Negeri, yakni Dr. Hasanuddin, M. Si. Dt. Tan Patih.