Refleksi Akhir Tahun Yayasan Sako Anak Negeri
Oleh Hasanuddin Hasanuddin
Taun 2023 alah ampia balalu. Mungkin ado babarapo kagiatan Yayasan Sako nan talipue dari liputan Sako.or.id nan cukuik strategis. Ado kagiatan nan sacaro tageh malibaikkan SAKO sacaro organisasi ado pulo kagiatan nan diikuiki dek fungsionaris SAKO sacaro urang paurang tapi sangaik pantiang untuk kamajuan SAKO apolai dalam ranko maujuikkan tujuan basamo SAKO.
Babarapo kagiatan nan malibaikkan SAKO sacaro organisatoris di antaronyo partamo “Seminar Rekonstruksi dan Revitalisasi Nilai dan Pranata Adat dalam Kesenian Ulu Ambek di Padang Pariaman” pado 11/11/2023 (dijanangi dek Afrianto Dt. Maninjun) jo kaduo “Seminar Duak Basamo Menggali dan Merevitalisasi Jejak Seni Berbasis Adat dan Praktik Baik Penyelenggaraan Permusyawaratan Perwakilan Menuju Mufakat demi Perdamaian Adat” yang pernah terjadi zaman dahulu pada Subkultur 4 Koto: Nagari Pangian, Nagari Buo, Nagari Taluk, dan Nagari Tigo Jangko di Lintau Buo pado 04/12/2023 (dijanangi dek Bambang Suprianto Dt. Parpatih). Kaduo kagiatan ko sangaik elok sabagai ujuik nyato kahadiran SAKO di tangah masyarakaik. Kaduo kagiatan di ateh baru mulo, nan kataruihannyo paralu kito tingkekkan di taun nan ka datang.
Di sampiang itu, ado babarapo kagiatan nan malibaikkan fungsionaris Yayasan Sako Anak Negeri, takusus nan dikarajoan dek Ketua Badan Pembina (Yulizal Yunus Dt. Rajo Bagindo), Ketua Pengawas (Gayatri Gani Dt. Parpatih), Ketua Umum (Hanafi Zein Sutan Bagindo), Sekretaris Umum (Hasanuddin Dt. Tan Patih), dan nan lain. Kagiatan-kagiatan tun barupo rapek, seminar, bimtek, lokakarya, palatihan, dan bantuak lainnyo. Kasaratoan fungsionaris SAKO disitu bisa sabagai tim ahli, narasumber, fasilitator, juri, atau pasarato sajo. Mungkin bantuak-bantuaknyo saolah-olah kagiatan pasaurangan, tapi sado itu punyo makna sacaro langsuang atau indak lansuang untuak kabaradoan SAKO di kudian ari.
Babarapo kagiatan nantun adolah (1) Inventarisasi Objek Pamajuan Kebudayaan basamo Dinas Kabudayaan Provinsi Sumatera Barat (Tim Ahli dari SAKO: Dr. Hasanuddin Dt. Tan Patih jo Pramono, Ph.D), (2) Panilaian Nagari Mubarokah (Madani ba ABS-SBK) juo basamo Dinas Kabudayaan Provinsi Sumatera Barat (Tim Ahli dari SAKO: Dr. Yulizal Yunus Dt. Rajo Bagindo jo Dr. Hasanuddin Dt. Tan Patih), (3) Panyusunan Kurikulum Muatan Lokal Bahasa dan Sastra Minangkabau Kabupaten Agam, Kabupaten Darmasraya, jo Kabupaten Solok Selatan (Tim Ahli: Dr. Hasanuddin Dt. Tan Patih jo Dr. Yulizal Yunus Dt. Rajo Bagindo), (4) Bimbingan Teknis/ Penguatan ABS-SBK bagi Ninik Mamak/ Perangkat Nagari/ Bundo Kanduang (Kabupaten Sijunjung, Dharmasraya, Solok Selatan, sarato nan lainnyo) (Narasumber: Dr. Yulizal Yunus Dt. Rajo Bagindo jo Dr. Hasanuddin Dt. Tan Patih), (5) Kagiatan nan bakaik jo palinduangan naskah kuno Minangkabau (Tim Ahli: Pramono, Ph.D).
Masih banyak nan lain nan alun tahimpun, bantuak nan dikarajokan dek Wakie Ketua (Prof. B. A. Dt. Bunsu, Dr. Feri Arlius Dt. Sipado, jo A.R. Piliang Malin Marajo); Dr. Firman Syakri; Hasri Fendi, MA; Bundo Kanduang SAKO, sarato nan lainnyo nan indak tasabuikkan disiko. Ka muko, kagiatan-kagiatan nan tun paralu kito tingkekkan, tarutamo nan basipaik organisatoris, supayo kabaradoan SAKO batambah lakek di hati masyarakaik dan kamanfaatannyo bagi kamaslahatan umat makin dirasokan. Jo itu Kito basasamo mamohon karidhoan dari Allah Swt. Insya Allah***
